Kryeministri Edi Rama ka shkuar për vizitë në shtëpinë e Klodian Rashës, të riut që u vra nga policia dy ditë më parë.
Mësohet se kreu i qeverisë ka rreth 15 minuta që ndodhet në shtëpinë e 25-vjeçarit, ndërsa në orën 18:00 do të ketë edhe një deklaratë për mediat lidhur me rastin.
Lajmin e bëri publik përmes një postimi në rrjetin e tij social Facebook ku shkruante se në 18:00 do të mbante dhe qëndrimin e tij për këtë vdekje tragjike të të riut.
“Më në fund në Tiranë! Sot në 18.00 do të ndaj me shqiptarët qëndrimin tim për vdekjen tragjike të 25-vjeçarit nga efektivi i Policisë së Shtetit! Faleminderit paraprakisht kujtdo që do të gjejë kohën të më ndjekë në tv apo fb”, shkruan Rama.
Kryeministri Edi Rama u shoqërua nga ministrja e Shtetit për Marrëdhëniet me Parlamentin, Elisa Spiropali dhe Kryetari i Komisionit te Ligjeve, Ulsi Manja./Bl.Ba/Fjala.al
