Ish-deputeti i PD Tritan Shehu, komentoi vrasjen e të riut 25-vjeçar Klodian Rasha. Gjatë emisionit HARD TALK NGA ROLAND QAFOKU, Shehu tha se kjo është simptomë e sëmundjes së shtetit shqiptar.
-Cili është komenti juaj lidhur me vrasjen e të riut 25-vjeçar Klodian Rasha?
-Dua të shpreh ngushëllimet e mia familjes, miqve, shokëve, të rinjve në përgjithësi. Është një humbje absurde, tragjike, shumë e rëndë. Një jetë njeriu në atë moshë të humbë në atë mënyrë, te dera e shtëpisë së tij, të kujton ngjarjet më makabre që mund të ndodhin. Së dyti, është një tregues i rëndë. Është një këmbanë e fortë alarmi për këtë gjendje absolutisht të vështirë, kaotike, autokracie, egërrsie që krijohet ndaj njerëzve, e cila çoi në këtë gjendje. Padyshim janë nivele të thella të mungesës së profesionalizmit të strukturave, të atyre që merren me këtë çështje, probleme të përzgjedhjes së njerëzve, është një vepër që të çon në shumë konkluzione. Të çon në konkluzione të rënda.
-Pse po politizohet kjo situatë?
-Nuk shoh politizim. Dje protesta u bë nga të rinjtë. Por PD do ngrejë zërin gjithmonë ndaj padrejtësive. Kjo ngjarje duhet të analizohet. Mua më kujton ngjarjet e shkurtit të 1991, vrasjen e një djali në shkurt të 1991. Është një ngjarje që të bën të mendosh shumë. /Fjala.al/Ke.Ba
