Kjo e enjte (17 dhjetor) ishte parashikuar që të ishte seanca e fundit plenare për vitin 2020, megjithatë Konferenca e Kryetarëve ka marrë vendimin që të ketë Kuvend dhe pas Krishtlindjeve.
Vendimi u mor në mbledhjen e zhvilluar ditën e sotme, ku u vendos që sesioni aktual i kësaj legjislature të jetë i hapur edhe pas Festës së Krishtlindjeve, me qëllim që të shqyrtojë e miratojë akte ligjore, të cilat mund të jenë emergjente.
Konferenca e Kryetarëve miratoi Planin e Veprimit për zbatimin e rekomandimeve të raportit të Komisionit Europian për vitin 2020 dhe kalendarin e punimeve të Kuvendit për periudhën 21-25 dhjetor 2020.
Mbledhja shqyrtoi dhe miratoi Planin e Veprimit për zbatimin e rekomandimeve të raportit të Komisionit Europian për vitin 2020 dhe kalendarin e punimeve të Kuvendit për periudhën 21-25 dhjetor 2020.
Në fillim të mbledhjes, Kryetari i Kuvendit, Gramoz Ruçi, nënvizoi se “Plani i Veprimit që shqyrtojmë sot është një dokument shumë i rëndësishëm sepse përmban gjetjet, rekomandimet, sfidat dhe masat konkrete për përshpejtimin e procesit të integrimit europian.”/Bl.Ba/Fjala.al
