Kryeministri Edi Rama i ka dorëzuar 4 familjeve në Farkë shtëpi të rindërtuara.
Rama i shoqëruar nga Ahmetaj dhe Veliaj nuk ka kursyer batutat me kryefamiljarët dhe gratë e tyre teksa i dha secilit dokumentat e shtëpisë në dorë.
Rama u shpreh se tashmë situata më e keqe kaloi dhe se do të vijojë puna për ndërtimin e banesave të tjera. Ndërkohë Rama e ka quajtur qenin e një familjeje në Farkë, “analist”.
Biseda me familjarin
Rama: Si jeni? Mirë se ju gjetëm… Çfarë ke mor çfarë ke (i drejtohet qenit)? E paskeni një analist në shtëpi, ju jep komentet e ditës…
Kryefamiljari: Na lë edhe natën pa gjumë…
Rama: Edhe natën pa gjumë ë? Çe pyet mo çe pyet…
Duke i dorëzuar edhe çelësat e banesës së re, Rama shprehet se tashmë vështirësia më e madhe kaloi dhe se do të vijojë puna edhe për banesat e tjera.
Rama: Më e keqja tani kaloi.
Kryefamiljari: Kam lindur për herë të dytë.
Rama: Nuk e besoje apo jo!/Bl.Ba/Fjala.al
