Juventus dhe Atalanta kanë përfunduar në barazim 1-1 në një ndeshje spektakolare në Allianz Stadium.
Ka qenë një ndeshje me shumë raste për shënim dhe dy gola të jashtëzakonshëm të realizuar.
Juventus fillimisht krijoi një rast të artë për shënim, por Alvaro Morata dështoi nga afërsia në portën bosh.
Megjithatë Zonja e Vjetër golin e epërsisë e gjeti në minutën e 29-të, kur Federico Chiesa realizoi një gol spektakolar për 1-0.
Me epërsinë minimale të vendasve 1-0 përfunduan 45 minutat e para të kësaj sfide.
Atalanta bëri ndeshje shumë të mirë duke krijuar disa raste shënimi, teksa golin e barazimit 1-1 e gjetën në minutën e 57-të.
Mesfushori zviceran Remo Freuler realizoi një gol fantastik nga distanca për të barazuar shifrat.
Katër minuta më vonë Juventusi pati rast të artë për ta rikthyer epërsinë, por portieri Gollini priti penalltinë e Cristiano Ronaldos.
Pa.Va/Fjala.al
