Trupi i pajetë i mjekut të nderuar Drini Dobi ka mbërritur në Rinas, nëntë ditë pasi u largua nga kjo botë.
Familjarë, miq, kolegë dhe studentë kanë dalë ta presin me nderimet më të mëdha, njeriun e tyre të shtrenjtë.
Dobi u prek nga koronavirusi dhe u dërgua në Itali për mjekim të specializuar, por nuk mundi dot ta mposhtë virusin. Për kurimin e tij u zhvillua një fushatë për mbledhjen e fondeve nga kolegët brenda e jashtë vendit, si dhe nga familjarët, por fatkeqësisht mjeku nuk arriti të mbijetonte.
Dr. Drini ishte neurolog me një eksperiencë pune klinike më shumë se 25-vjeçare. Ai besonte se vënia e një diagnoze të saktë është kyç në gjithë procesin e menaxhimit të sëmundjes.
Eksperienca e gjatë klinike e bëri atë konfident në identifikimin e simptomave neurologjike, në vendosjen e saktë të diagnozave dhe trajtimin me efektshmeri të lartë të sëmundjeve neurologjike.
Për të, komunikimi me pacientin dhe familjarët, qartësimi i çdo etape gjatë menaxhimit të sëmundjes dhe edukimi i tyre (si të ndihmojnë veten apo familjarin) në lidhje me sëmundjen dhe rehabilitimin ishin themelet mbi të cilat ai ndërtoi punën e tij të përditshme me pacientët.
Dr. Drini falë aftësive të tij njerëzore u bë bashkudhëtar me pacientin në rrugën shpesh herë të gjatë të sëmundjes.
Eksperiencë dhe edukim në vazhdim:
Pedagog i brendshëm pranë Fakultetit të Mjekësisë së Universitetit të Mjekësisë Tiranë.
Shef i Shërbimit Neurovaskular pranë Polit Administraitv të Integruar të Neuroshkencave.
Anëtar i Bordit Editorial i revistës shkencore “Clinical Trials in Degenerative Diseases (CTDD)”.
Anëtar i Bordit të Shoqatës “Medical Institute of Albania”.
Bashkautor i librit: “Alkoolizmi kronik dhe pasojat mbi sistemin nervor”.
Ka drejtuar disa projekte dhe botuar një sërë artikujsh mbi problematika të ndryshme neurologjike.
Anetar i shoqatave dhe organizata me te rëndësishme nderkombetare te Neurologjise dhe pjesëmarrës aktiv në konferencat më të rëndësishme ndërkombëtare me prezantime orale dhe në formë posteri.
Ka kryer Masterin në “Rehabilitimi fizik në Sëmundjen e Parkinsonit”
Specializuar për Neurorehabilitm në Institutin Nacional Neurologjik “Carlo Besta”, Milano, Itali
Ka kryer specializimin pasuniversitar për Neurologji në Shërbimin e Neurologjisë, Qëndra Spitalore “Nëne Tereza” . Gjithashtu ka kryer doktoraturën pranë Departamentit të Neuroshkencave mbi Rehabilitimin post Stroke.
Diplomuar në Fakultetin e Mjekësisë, Universiteti i Tiranës si Mjek i Përgjithshëm.
l.m/Fjala.al
