Një avion i ‘Spirit Airlines’ ka rrëshqitur nga pista në Aeroportin Ndërkombëtar të Thurgood Marshall në Baltimore (Uashington) (BWI) të enjten në mëngjes, pasi një stuhi e fuqishme dimërore krijoi kushte të vështira.
Sipas mediave të huaja, Field Sutton, zëdhënës i Spirit Airlines, i tha CNN se “Fluturimi 696” nga Las Vegas për në BWI u ul në mënyrë të sigurt. Megjithatë, siç ka thënë ai, avioni rrëshqiti nga pista teksa po drejtohej për në terminal.
Sutton tha që rrota e përparme rrëshqiti në zonën e barit. Për fat të mirë ai ka thënë se asnjë pasagjer nuk u lëndua dhe të gjithë 111 personat në avionjanë të sigurt dhe u transportuan me autobus në terminal.
Aeroporti BWI shkroi në Twitter se ekipi i tij i motit kishte punuar gjatë gjithë ditës për të mbajtur sipërfaqet të sigurta në fushën ajrore dhe afër terminalit, duke thënë se “ekipet qëndrojnë në gatishmëri për të ofruar operacione të sigurta”./Bl.Ba/Fjala.al
