Batuta dhe “kode” mes Ramës, Lleshajt dhe Çuçit

113 563 lexime

124,178FansaPëlqeje

Kryeministri Edi Rama prezantoi dje ministrin e ri të Brendshëm Bledi Çuçi, ku nuk munguan edhe batutat disi të tensionuara me ministrin në ikje Sandër Lleshaj.
Nga Fernada Cenko

Kryeministri Edi Rama është gjendur mes ministrit të ri të Brendshëm dhe ish ministrit Lleshaj për t’i uruar punë të mbarë kreut të ri të dikasterit më të rëndësishëm në vend. Krahas prezantimit që i bëri Çuçit në krye të këtij institucioni, Rama ka folur për protestat e këtyre 7 viteve të qeverisjes së tij. Ai është shprehur se qeveria i ka dëgjuar protestuesit dhe ka vepruar në interes të tyre, ndërsa kujtoi edhe protestën për armët kimike, protestën e studentëve, protestën e qytetarëve kuksianë për tarifën e “Rrugës së Kombit” dhe deri te protesta e naftëtarëve.

Këtë kalim stafete në Ministrinë e Brendshme mund ta ndjekim të gjithë bashkë me mesazhet përkatëse. Para pak ditësh qeveria suedeze ka publikuar anketimin e përvitshëm lidhur me policimin në komunitet dhe do të dëshiroja që rezultatet e anketimit të jenë edhe hapi i parë i komunikimit të ministrit të ri të Brendshëm me trupën e Policisë së Shtetit dhe me publikun pasi bëhet fjalë për një anketim të pavarur dhe domethënës për të pasur një pasqyrë objektive të ecurisë së punës së policisë dhe shumë e rëndësishme një pasqyrë besnike të marrëdhënieve mes policisë së Shtetit dhe qytetarëve. Në këtë proces janë pyetur qytetarët dhe nga ta është marrë opinion mbi perceptimin e tyre mbi Policinë e Shtetit dhe për aspekte të ndryshme të punës dhe veprimtarisë së policisë”, tha Rama.

Kryeministri ka mbajtur edhe përgjegjësitë e veta në dy mandatet e qeverisjes. “Qeveria, edhe më e mira në botë, nuk është e pagabueshme dhe as nuk i zgjidh dot të gjitha hallet dhe problemet e një shoqërie. Mund ta them me plot gojën që gabimin e mosrespektimit të protestës qytetare nuk e kemi bërë asnjëherë. Jam krenat që në këto 7 vite qeveria jo vetëm e ka dëgjuar zërin e protestuesve, por në jo pak raste ka reflektuar dhe ka ndryshuar qasje apo qëndrim lidhje me çështje të caktuara përballë arsyes së protestuesve. Mbase nuk është shumë, por nuk është pak po të kemi parasysh eksperiencat e mëparshme”, tha ai.

Lexo edhe :  Zgjedhjet në Kosovë/ Përfundon numërimi i votave në të gjitha qendrat e votimeve

Rama ka rreshtuar të gjitha protestat e mëdha që janë bërë gjatë kësaj kohe. “Armët kimike, studentët, pagesa e kuksianëve për Rrugën e Kombit, apo edhe së fundmi kërkesa e naftëtarëve për mbështetje financiare nga qeveria, janë disa shembuj konkret, kuptimplotë për shkallën e dëgjueshmërisë dhe gatishmërinë e reflektimit ndaj arsyeve të protestuesve. Disa thanë se qeveria u tërhoq sepse u trembën nga dhuna. Në fakt jo, qeveria reflektoi ndaj shqetësimit të drejtë të një komuniteti të tërë sepse kuptuam se ishin gabim llogaritë tona, dhe më e rëndësishmja është të bëhet gjithnjë gjëja e drejtë. Kushdo ka të drejtë të protestojë, por jo çdokush që proteston ka të drejtë”, tha Rama ndër të tjera.

Çuçi “thumbon” Lleshajn: Unë do iki si ministër i Brendshëm

Dje Bledi Çuçi ka marrë detyrën e tij si ministër i Brendshëm. Në prezencë të Kryeministrit Edi Rama dhe ish-ministrit të Brendshëm Sandër Lleshaj, Çuçi ka lëshuar edhe një “thumb” për paraardhësin e tij, ku u shpreh se në fund të mandatit të tij, publiku të thotë që “i ka mbaruar mandati ministrit të Brendshëm dhe jo ministrit të Policisë”. “Nuk ka rëndësi si hyn aktori në skenë, por ka rëndësi dalja nga skena e aktorit. Në përfundim të mandatit tim, do kisha dëshirë që publiku të thoshte që i mbaroi mandati ministrit të Brendshëm, dhe jo ministrit të policisë, apo ministrit të Rendit. Gjë që për fat të keq mbetet një perceptim për të cilën Sandri u mundua shumë që t’i ndryshojë, sepse besoj fort që po nuk u kuptua ky organizëm, asnjë reformë nuk do ketë gravitetin e duhur. Kjo është dëshira ime dhe është një lloj premtimi për angazhimin”, tha Çuçi./Bl.Ba/Fjala.al

Të fundit

Paul Manafort pjesë e fushatës së PD, Evi Kokalari nxjerr blof Berishën: Është lobist

Aktivistja Evi Kokalari ka nxjerrë blof Sali Berishën, lidhur me deklaratën e sotme të tij për të bërë pjesë...

Jo vetëm në kohë lufte! Rezervat shtetërore aktivizohen në kohë krize çmimesh

Jo vetëm në kohë lufte, emergjence natyrore apo gjendjeje të jashtëzakonshme, por edhe në kohë krize çmimesh do të aktivizohet rezerva shtetërore. Projektligji i depozituar...

Shorti vendos! Ja kush do shqyrtojë në KAS çështjen e Burgjeve të Hapura

Komisioneri Zgjedhor Ilirjan Celibashi i ka bllokuar mazhorancës socialiste një tjetër projektligj pas TVSH-së për Bujqësinë dhe “Paketës së Maleve”, të cilat u rrëzuan...

Simptoma e ftohjes që s’duhet injoruar nëse zgjat më shumë se tre javë!

Dr. Shireen ka paralajmëruar se një kollë e vazhdueshme për më shumë se tre javë nuk duhet të neglizhohet. Edhe pse simptomat e ftohjes, si...

Aksident i rëndë në vend/ Dy makina përplasen ‘kokë më kokë’, detajet e para

Një aksident ka ndodhur pasditen e sotme në fshatin Dragostunjë në Librazhd, ku mësohet se kanë mbetur të plagosur dy persona. Burime zyrtare bëjnë me...

Lajme të tjera

Web TV