Lloji i ri i Covid që u përhap me shpejtësi në Gjermani dhe që tashmë është identifikuar edhe në disa shtete të tjera, për fshirë Italinë, ka vënë nën alarm shkencëtarët.
Drejtori i Urgjencës Kombëtare, Skënder Brataj, tha në “Report tv” se nuk ka akoma siguri se çfarë përcjellin këto mutacione.
Vendi ndaloi udhëtimet nga Britania, ndërsa Brataj tha se kjo masë u mor për shkak të mungesës së njohurive rreth llojit të ri të virusit.
Megjithatë ai shtoi se ka një rritje të transmetueshmërisë së infeksionit, por jo të virulencës, pra të dëmit që shkakton.
“Siç u komunikua përsa i përket masave bëhen përmes monitorimit të situatës në Shqipëri që është në gjendje stabël. Ka një kufizim të infeksionit dhe numrit të të sëmurëve. Po ta marrim me 2 javët e mëparshme është rreth 8-10% ulja e infeksionit. Numri i të sëmurëve për fatin e mirë është i ulët në periudhën e ditëve të fundit. Dalja e versioneve të tjera të koronavirusit në Britani. Akoma nuk ka siguri që këto mutacione se çfarë përcjellin. Ka një rritje të infeksionit por jo të virulencës, pra të dëmtimit që shkakton. Kjo na lë pak më të qetë por u mor masa sepse është një e panjohur që do të tregojë rezultatet më vonë. Përhapja e infeksionit gjatë kësaj periudhe festash është më e madhe ndaj dhe ndërmorëm masat e reja. Monitorimi i situatës do të bëhet. Njëherë në 2 javë bëhet ndryshimi i masave. Vlerësimi do të bëhet edhe para datës 4 janar. Nëse gjendja do të jetë nën kontroll, do të qëndrojnë në fuqi masat e mëparshme”, tha Brataj.
Pa.Va/Fjala.al
