Numri i abonentëve të internetit arrin në 480 mijë

113 563 lexime

124,178FansaPëlqeje

Numri i abonentëve të internetit në vend ka arritur në pothuajse 480 mijë në fund të tremujorit të tretë të këtij viti. Statistikat nga Autoriteti i Komunikimeve Elektronike dhe Postare (AKEP) tregojnë se ky treg po rritet me ritme të shpejta edhe për këtë vit. Krahasuar me një vit më parë, numri i abonentëve të internetit është zgjeruar me 17.3%. Vetëm gjatë tremujorit të tretë, këtij shërbimi i janë shtuar rreth 7500 abonentë të rinj. Pandemia dhe masat kufizuese i dhanë një shtysë të mëtejshme zgjerimit të tregut të internetit në vend.

Mes muajve mars dhe shtator, statistikat numërojnë rreth 35 mijë abonentë më shumë në shërbimet e internet me brez të gjerë. Përveçse po rritet me ritme të larta, tregu i internetit duket më konkurrues dhe dinamik në strukturën e ndarjes sipas operatorëve. Pjesa e tregut të operatorit më të madh, Albtelecom, është në rënie konstante dhe tashmë ka zbritur në 27.4%, nga 32.6% që ishte një vit më parë. Operatori i dytë më i madh për nga numri i përdoruesve është Abcom, me rreth 18.5% të tregut.

Që nga fillimi i këtij viti Abcom është pjesë e Vodafone Albania dhe kjo ka nxitur ritme më të shpejta të rritjes, me pothuajse 22% më shumë krahasuar me një vit më parë. Shërbimet fikse duket se kanë potenciale të mëdha rritjeje, edhe duke pasur parasysh se niveli i depërtimit të tyre është ende i ulët në raport me mesataren rajonale dhe europiane. Po, ndërsa në qendrat e mëdha urbane numri i abonentëve po rritet me ritme të shpejta, sifda e vërtetë për Shqipërinë ngelet hendeku i thellë me zonat rurale. AKEP vlerëson se në këto zona depërtimi i internetit është në nivelin e rreth 5% të popullatës, ndërsa në zonat urbane tashmë jemi pranë nivelit të 40%.

Lexo edhe :  Këmbimi valutor 14 maj/ Me sa blihen e shiten monedhat e huaja sot

Çështja kryesore që pengon zhvillimin e infrastrukturës në zonat rurale dhe të largëta, është mungesa e stimujve për të investuar nga operatorët ose në alternativë financimi me fonde shtetërore. Në Shqipëri nuk ekziston një fond për shërbimin universal dhe një mekanizëm për kontribut me fonde publike, nuk është dhënë ndihmë shtetërore për rrjete broadband dhe nuk ka buxhet publik të përcaktuar në nivel kombëtar ose vendor, për ndërtimin e infrastrukturës së këtij lloji.

Sigurimi i infrastrukturës broadband është i varur ekskluzivisht nga investimet e operatorëve privatë të rrjeteve të telekomunikaconit. Shtrirja e infrastrukturës së telekomunikacionit është e kushtueshme, veçanërisht në ato zona ku ka shumë pak ose aspak infrastrukturë të mëparshme, ku densiteti i popullsisë është i ulët ose ku aksesi për shkak të vështirësive gjeografike është tepër i vështirë. Në këto zona, ka pak ose aspak leverdi ekonomike për të investuar në infrastrukturë, sepse tarifat mesatare janë të ulëta dhe pritjet për një kthim nga investimi janë të dobëta, për shkak të mungesës së fuqisë blerëse./E.Shehu

Të fundit

Përplasen dy helikopterë, humbin jetën të gjithë personat që ndodheshin në to

Dy helikopterë privatë janë përplasur në Finlandë, duke lënë pas viktima. Të pesë pasagjerët e helikopterëve që u përplasën në...

Greqia padit Adidas për reklamën me Akropolin, shkelje e trashëgimisë kulturore

Autoritetet greke kanë nisur veprime ligjore pasi pamjet e një reklame të re të Adidas, ku Akropoli i shekullit të V p.e.s. shfaqet si...

Shqipëria në finalen e Eurovision/ Votoni ‘Zjerrm’, le ta çojmë atje ku e meriton

Nata finale e Eurovision, ku Shqipëria përfaqësohet me Shkodrën Elektronike dhe hitin ‘Zjerrm’ po përcjell emocione të veçanta në botën mbarëshqiptare. Ministri i Ekonomisë, Kulturës dhe...

Opozita kontenstoi votat/ Celibashi nxjerrë blof Berishën: PD nuk ka sjellë asnjë provë

Kryekomisioneri Ilirjan Celibashi deklaroi se Partia Demokratike nuk ka paraqitur asnjë provë për të mbështetur pretendimet e saj mbi manipulimin e votave të ardhura...

Modë, muzikë dhe turizëm/ Vlora çel sezonin turistik me mbrëmje festive

Në një skenë gjigande të ndërtuar në shëtitoren Lungomare, pranë "Ujit të Ftohtë" Vlora çeli zyrtarisht mbrëmjen e sotme sezonin turistik. Çelja e sezonit u...

Lajme të tjera

Web TV