Ashtu siç ishte parashikuar nga BE-ja, sot ka nisur vaksinimi kundër koronavirusit edhe në Greqi.
E para që ka bërë vaksinën Pfizer/BioNTech, është një infermiere në Athinë, Efstathia Kampisiouli e cila shërben në spitalin Evangelismos.
Ministri i Shëndetësisë, Vassilis Kikilias ka shkuar vetë në spital sot për të ndjekur nga afër evenimentin që shihet si një shpëtim nga pandemia.
Më vonë radhën për ta bërë vaksinën e ka Presidentja, Catherine Sakellaropoulou në po të njëjtin spital, teksa 30 minuta më vonë kryeministri grek, Kyriakos Mitsotakis në spitalin ”Attikon”.
Në të gjitha vendet e BE, në mënyrë uniforme ka nisur vaksinimi masiv fillimisht për personelin shëndetësor dhe personat me detyra të rëndësishme kryesisht qeveritare./Bl.Ba/Fjala.al
