Bashkia e Tiranës të hënën në darkë ka nisur përgatitjet për të ngjallur një atmosferë festive në kryeqytet, pavarësisht kushteve të një viti të pazakont, ku vendi ndodhet në orë policore, e cila nis prej 20:30 të mbrëmjes.
Në videon e mëposhtme, Fjala.al tregon një pjesë të vogël të kësaj atmosfere, e cila po mbahet në pjësën kryesore të qytetit, pranë Bashkisë së Tiranës.
Siç tregohet edhe nga pamjet, një pjesë e madhe e qytetarëve i janë bashkuar një organizimi të tillë, duke dëshmuar me praninë e tyre, se pavarësisht kohëve të pazakonta që jetojmë, dëshira për t’u argëtuar dhe festuar është shumë e madhe tek ata.
Kujtojmë se dy ditë më parë, ishte vetë kryetari i Bashkisë Tiranë, Erion Veliaj ai që zbuloi planin e organizimit të festës për këtë vit, duke treguar se festa nuk do të jetë më e qendërzuar, por do të shtrihet në 11 njësitë administrative të kryeqytetit, për ta sjellë atë në çdo lagje.
