Së bashku me ndryshimet në drejtimin e dy ministrive, kryeministri Edi Rama ka firmosur dhe disa ndryshime në nivelin e zv.ministrave.
Kreu i qeverisë ka firmosur largimin e një prej bashkëpunëtorëve të tij të vjetër nga posti i zv. ministrit të Infrastrukturës dhe Energjisë, Artan Shkreli.
Në vend të Shkrelit, është emëruar Gjergji Simaku, duke e lënë sërish këtë ministri me katër zv.ministra.
Ndërkohë, është firmosur dhe për largimin e Sokol Dedja nga posti i zëvendësministrit për Evropën dhe Punët e Jashtme, duke e lënë këtë dikaster aktualisht me vetëm një zv.ministër.
https://qbz.gov.al/eli/fz/2020/231/c6b39d06-c2d5-4eea-a89f-972d07c86854
Rama nuk ka emëruar zëvendësues për të, por ka emëruar një tjetër zv. ministër të Brendshëm, ku bashkë me Andi Mahilan, ky dikaster bëhet me katër zv. ministra. Ndryshimet janë vendosur më 24 dhjetor, por janë botuar sot në Fletoren Zyrtare.
