Kryeministri vjon inspektimet në zonat e rindërtimit në Fushë-Krujë.
Ai është ndalur në lagjen “Rilindja”, në të cilën pas procesit të rindërtimit do të strehohen rreth 1200 banorë të prekur nga tërmeti i 26 nëntorit të vitit të kaluar.
“Aty ku po merr formë Lagja e Rilindjes pas rrënimit katastrofik të një viti më parë dhe ku do të strehohen, në kushte pakrahasimisht më të mira se më parë rreth 1200 banorë të prekur nga tërmeti”, thotë Rama.
I shoqëruar nga ministri i Rindërtimit Arben Ahmetaj, ky i fundit ka thënë se në total në Fushë Krujë do ndërtohen 15 pallate dhe 128 njësi individuale.
“Në lagjen rilindja do strehohen 1200 banorë të prekur nga tërmeti. 128 njësi banimi të organizuara në një kompleks njësisht me të gjitha ambientet. Në total në Fushë Krujë do ndërtohen 15 pallate dhe 128 njësi individuale komplet. Jemi fiks me programin me të gjitha ndërtesat”, tha Ahmetaj.
Këtu Rama shtoi se nga “fundi i verës përfundojnë pallatet”. Në çdo pallat do të ketë nga një njësi tregtare, të vogël, vijoi Ahmetaj.
