Nga aksidenti i rëndë i ndodhur mbrëmjen e sotme në aksin Elbasan-Metalurgji, mësohet janë përfshirë një mjet tip fugon dhe një makinë e vogël.
Paraprakisht dyshohet se të plagosur kanë mbetur nëntë persona. Mësohet se fugoni ishte i mbushur me turistë që po ktheheshin nga lindja e vendit, ku kishin qëndruar për dy ditë, me një guidë.
Sikurse shihet edhe nga pamjet përplasja kokë më kokë e të dy mjeteve ka bërë që pjesa e përparme e tyre të pësojë shumë dëmtime.
Ndërkohë policia ndodhet në vendin e ngjarjes dhe po punon për zbardhjen e plotë të shkaqeve të aksidentit.
