Rama akuza ndaj Presidentit: E di e gjithë Vlora që Meta bllokon projektin

113 563 lexime

124,178FansaPëlqeje

Kryeministri Edi Rama akuzoi Presidentin Ilir Meta se po bllokon fondet për ndërtimin e rrugës, që do të lidhë Vlorën me Radhimën dhe Orikumin.

Nga qyteti bregdetar, ku inspektoi projektin e ri të infrastrukturës turistike, së bashku me kryebashkiakun Dritan Leli, Rama tha se e di e gjithë Vlora që projekti bllokohet nga Ilir Meta,

Tani ne s’kemi dashur të bëjmë debat publik për këtë, por është fakt që qysh nga fillimi i nëntorit presim plotfuqinë një autorizim të Presidentit, pasi kemi bërë gjithë negociatën me fondin saudit. Është bllokim total, sepse në momentin që nuk jepet plotfuqia ne nuk e materializojmë dot.

Është një fond i konsiderueshëm për të zhvilluar projektin në dy drejtime, për rehabilitimin dhe sistemimin e kësaj rruge, deri në Radhimë, dhe pastaj në Orikum, plus rrugën tjetër. Tani e ka marrë vesh gjithë Vlora që e bllokon projektin Ilir Meta, që nuk e di çfarë ka, ose e di çfarë ka, po nuk dua të merrem. Është një bllokim absurd. Por ne e kemi premtuar projektin për Radhimën“, u shpreh Rama.

Ndërsa kryebashkiaku Leli tha se bllokimi i fondet ka krijuar një shqetësim në rritje nga opinioni publik.

Projekti nis nga sot nga tuneli i Vlorës në drejtim të Orikumit, do të investohen rreth10 milionë dollarë, që parashikojnë rregullimin e gjithë shtratit të rrugës, dy by-passe të Radhimës dhe Orikumit. Ka një shqetësim në rritje të opinionit publik për bllokimin në Presidencë të plotfuqisë së fondeve të garantuara tashmë për të kaluar në fazën tjetër të investimit. Do doja të kishte një reagim“, tha Leli./Bl.Ba/Fjala.al

Të fundit

Marrëveshjet për migrantët/ Çfarë përfiton Kosova dhe pse kritikohen ato?

Cepi juglindor i Evropës, përfshirë Kosovën, po shndërrohet në terrenin ku shtetet më të fuqishme përpiqen të zhvendosin një...

Netanyahu sulmoi Iranin për të shmangur një ‘kërcënim ekzistencial’

Jonathan Freedland Ky është një konflikt 30-vjeçar. Benjamin Netanyahu fliste për kërcënimin e një bombe bërthamore iraniane që në vitet 1990 dhe që atëherë nuk...

Tensionet Iran-Izrael, Britania dërgon avionët luftarakë

Kryeministri britanik, Sir Keir Starmer, ka njoftuar se Mbretëria e Bashkuar po dërgon më shumë avionë luftarakë në Lindjen e Mesme, si përgjigje ndaj...

Nesër samiti i SEECP/ Presidenti Begaj pret nesër kryetarët e shteteve anëtare në Tiranë

Presidenti Bajram Begaj do të presë të hënën më 16 qershor në Tiranë, kryetarët e shteteve dhe delegacioneve të Procesit të Bashkëpunimit të Evropës...

Pas dorëheqjes së Ermal Onuzit, emërohet Drejtor i Përgjithshëm i Gardës së Republikës!

Pas dorëheqjes së Ermal Onuzit, me urdhër të Ministrit të Brendshëm, Simon Zereci, me gradën Drejtues i Lartë dhe funksion Zëvendësdrejtor i Përgjithshëm i...

Lajme të tjera

Web TV