Kryetari i Grupit Parlamentar të Partisë Socialiste, Taulant Balla i shoqëruar nga kryetari i Bashkisë së Elbasanit, Gledian Llatja vizituan ambjentet e një mobilerie në Elbasan.
Përmes një postimi në rrjetin social facebook, numri dy i PS, Balla deklaron se në Elbasan tradita e kombinatit te drurit ka vazhduar.
Sipas Ballës, shume ndermarrje te medha eksportojne me krenari prodhime “Made in Albania” në Europë dhe Amerikën e Veriut.
Gjatë vizitës në mjediset e mobilerisë Balla ka përveshi mëngët dhe ju fut punës nën instruksionin e mjeshtrit Albert Çipi. Balla nuk la pa thumbur edhe opozitën. Teksa ngjiste dy dërrasa, Balla me ironi theksoi se duke votuar PD mer paketë dhe LSI-në.
“Zerimi i tatim fitimi dhe TVSH është diçka shumë e mirë për biznesin e vogël. Elbasni e ka pasur traditë përpunimin e drurit. Në gjithë Elbasanin janë rreth 200 subjekte që meren me përpunimin e drurit. Ka dhe prodhues të mëdhenj qe furnizojnë tregun europian, ka dhe biznese te vogla qe furnizojnë jo vetëm familjet e Elbasanit, por edhe gjithë qarkun”, tha Balla.
Postimi i plotë i Taulant Ballës:
“Elbasan – Tek një nga mjeshtrat e prodhimit të mobiljeve Albert Çipi, sot po mësoj dhe unë sado pak nga eksperienca shumë vjeçare e tij. Tradita e kombinatit te drurit ka vazhduar. Shume ndermarrje te medha eksportojne me krenari prodhime “Made in Albania” në Europë dhe Amerikën e Veriut. Në Elbasan janë rreth 200 sipërmarrje të vogla në këtë sektor, për të cilët dhurata e Qeverisë sonë ishte zerimi i tatim fitimit dhe TVSH. Punë të mbarë njerëzve që punojnë????”
Pa.Va/Fjala.al
