Fatkeqësisht, Covid-19 nuk shkakton vetëm pneumoni të rëndë. Deri më tani, ka pasur shumë efekte anësore, shumë prej të cilave nuk zhduken menjëherë pas shërimit. Pacientë të shumtë kanë dhimbje koke, iluzione, probleme të funksionit konjitiv, marramendje, lodhje për një kohë të gjatë, mbi tre muaj, edhe pas shërimit.
Hulumtimi i ri nga Instituti Kombëtar i Shëndetit, agjencia qeveritare amerikane që merret me shëndetin, konfirmon se virusi gjithashtu shkakton dëmtim të trurit që mund të zgjasë edhe pasi infeksioni të zhduket edhe nëse është manifestuar në forma të lehta. Bëhet fjalë për një ndërlikim neurologjik që çon në vështirësi në përqendrim, humbje të kujtesës dhe simptoma të tjera që mund të përkufizohen si ‘mjegulla e trurit’ dhe nuk është për shkak të efektit të qetësuesve.
Studiuesit që analizuan hemisferat cerebrale gjetën enët e gjakut të holluara dhe subjekt i humbjes së lëngjeve, me dëmtim të të gjithë strukturës mikrovaskulare.
Më parë, Universiteti i Gothenburgut kishte gjetur simptoma neurofiziologjike në tru. Gfap, proteina e acidit fibrillar glilial, një biomarker i pranishëm në astrocitet që mbështesin neuronet dhe Nff, proteina e zinxhirit të lehtë neurofilament, ishin më të larta dhe treguan se qelizat që i përmbanin ato ishin dëmtuar.
Njerëzit e ekzaminuar në këtë studim ishin midis 5 dhe 73 vjeç, persona të cilët kishin humbur jetën si pasojë e Covid dhe u bë e mundur të analizohen me autopsi duke përdorur një imazhe me rezonancë magnetike me fuqi të lartë.
Skanimi zbuloi se të dy hemisferat e trurit kishin njolla hiper-intensiteti që tregojnë inflamacion, dhe njolla hipo-intensiteti që tregojnë gjakderdhje.
Në teori, Covid-19 shkakton mungesë të oksigjenit. Por kjo duhet të ishte manifestuar me goditje ishemike ose hemorragjike. Ajo që është gjetur janë shenja të ngjashme me ato që ndodhin në rastin e një sulmi në zemër ose problemeve neuroinflamatore.
Pikat e dëmtuara të gjetura në tru u ekzaminuan më pas në mikroskop dhe u zbulua se hiper intensiteteti që përmbanin enët e gjakut që ishin më të holla se normalja dhe jo më të papërshkueshme nga uji./Re.D/Fjala.al
