Kreu i Grupit Parlamentar të PS-së, Taulant Balla shkruan përmes një postimi në rrjetin social Facebook se prurjet në Shkumbin janë rritur, por se situata është nën kontroll pasi gjithçka po monitorohet.
Balla e ka shoqëruar postimin e tij me një foto të shkrepur herët në mëngjes në një urë mbi Shkumbin ku edhe theksoi se ekipi i emergjencave civile është në terren për ndjekjen e situatës.
“Teksa po agon, e mbrëmshmja ishte një natë me reshje tejet të dendura. Janë monitoruar gjatë natës prurjet e Shkumbinit, të cilat janë tepër të larta si rrallë herë. Ekipi i emergjencave civile është në terren për ndjekjen e situatës”, shkruan ai.
Niveli i ujërave të Lumenjve Shkumbin e Devoll është larg pikës së rrezikut. Përroi i Zaranikës, bashkia Elbasan dhe përrenjtë e tjerë malorë kanë prurje më të vogla.
Nuk rezultojnë probleme përsa i përket furnizimit me energji elektrike përveç një lagje në fshatin Polis Vale Nj. A Shushicë, Bashkia Elbasan, ku janë rrëzuar dy shtylla nga gërryerja e përroit Gostimë dhe nesër do të rikthehet energjia. Kanalet e kullimit të fushave funksionojnë normalisht./Bl.Ba/Fjala.al
https://www.facebook.com/b.taulant/posts/3683153855063522
