Twitter ia ka mbyllur përfundimisht Presidentin Donald Trump nga platforma sociale, tha kompania të Premten në mbrëmje.
“Pas një rishikimi të ngushtë të Cicërimave të fundit nga llogaria @realDonaldTrump dhe kontekstit rreth tyre, ne e kemi pezulluar përfundimisht llogarinë për shkak të rrezikut të nxitjes së mëtejshme të dhunës,” tha Twitter.
Llogaria e presidentit u ndalua fillimisht për 12 orë në 6 Janar për shkak të “shkeljeve të rënda të politikës sonë të Integritetit Qytetar”, pasi ai përdori platformën për të dënuar me tweet kundër Zëvendës Presidentit Mike Pence ndërsa mbështetësit e tij sulmuan në Kapitol.
“Në kontekstin e ngjarjeve të tmerrshme këtë javë, ne e bëmë të qartë të Mërkurën se shkeljet shtesë të Rregullave të Twitter potencialisht do të rezultonin në këtë mënyrë veprimi“, thuhet më tej në deklaratë.
Që në kohën e zgjedhjeve të 3 Nëntorit, Twitter disa herë kishte bllokuar mesazhet e Trump, duke i cilësuar si të pavërteta, sidomos ato postime që kishin të bënin me pretendimet për vjedhjen e votave.
Edhe kompanitë Facebook dhe Instagram kanë njoftuar më 7 janar se kanë vendosur t’ia bllokojnë llogaritë Trumpit në këto dy platforma, për të paktën dy javë, derisa Joe Biden të inaugurohet si president i SHBA-së./Bl.Ba/Fjala.al
