Një përditësim në faqen zyrtare të qeverisë amerikane ka shkaktuar konfuzion të madh në rrjetet sociale lidhur me fatin e presidentit Donald Trump.
Në një kohë kur demokratët paraqitën ditën e sotme në Dhomën e Përfaqësuesve rezolutën që kërkon shkarkimin e Trump për “nxitje të kryengritjes” që më pas shkaktoi dhunën e protestuesve në Kapitol, faqja shtetërore State.Gov ka përditësuar informacionin te biografia e Trump, duke thënë se mandati i tij ka përfunduar sot.
“Mandati i Donald J. Trump ka përfunduar në 2021-01-11 19:48:39”, thuhet në faqen për biografinë e presidentit amerikan Trump, raporton Newsbomb.al.
Por sipas Kushtetutës së SHBA, mandati i presidentit mbaron në mesditën e 20 Janarit, kur edhe betohet presidenti i ri i zgjedhur.
Nuk dihet nëse ky është një gabim, apo nëse Trump ka dhënë dorëheqjen apo është shkarkuar.
