Policia e Tiranës ka vënë në pranga një djalë të ri i cili është denoncuar nga ish-e dashura e tij për dhunë dhe përdhunim.
E reja i është drejtuar Komisariatit për denoncim dhe është shprehur se ish i dashuri, i ka shkuar në banesë dhe pasi e ka rrahur, sipas saj ka kryer marrëdhënie seksuale me dhunë me të.
Mësohet se në pranga ka rënë 30-vjeçari Ledjon Spahiu i cili mban dhe identitetin Besmir Kurtdeda.
“Nga specialistët për Hetimin e Krimit në Komisariatin e Policisë Nr. 2 u bë arrestimi në flagrancë i shtetasit L(B). S(K)., 30 vjeç, pasi ka konsumuar veprat penale “Dhuna në familje”, “Marrëdhënie seksuale me dhunë me të rritura” dhe “Heqja e paligjshme e lirisë””, thuhet në njoftimin e policisë.
Burime policore bëjnë me dije se pas denoncimit, vajza mësohet se ka marrë urdhër të menjëhershëm mbrojtje./ Bl.Ba/Fjala.al
