Manchester United ka marrë kryesimin e Premier League dhe tashmë është pretendenti kryesor për titullin.
Në transfertën e vështirë të Burnley, Pogba i dha fitoren ‘Djajve’ me golin në minutën e 71′. Të besuarit e Solskjaer tashmë e shohin veten 3 pikë sipër Liverpool të vendit të dytë.
Kjo ishte një fitore e rëndësishme, pasi United pritet që ndeshjen e radhës ta ketë pikërisht me Liverpool, rivalët historik.
Manchester United është ekipi me më shumë trofe të Premier League, plot 20, por për herë të fundit e ka shijuar para 8 viteve, në sezonin 2012-2013 me Sir Alex Ferguson në krye./Fjala.al
