Të shtëna me armë zjarri janë raportuar në Milot të Shkodrës mesditën e sotme, ku mësohet se i plagosur ka mbetur një 45-vjeçar, i identifikuar si Ylli Ibrahimi.
Nga të dhënat e para, bëhet me dije se dy persona me motor dyshohet se kanë qëlluar mbi 45-vjeçarin.
Drejt tij është qëlluar me breshëri, pasi dyshohet se në vendngjarje janë gjetur 30 gëzhoja plumbash.
Ngjarja ka ndodhur orës 12:10, në Milot, Kurbin, në rrethana ende të paqarta është plagosur me armë zjarri 45-vjeçari, i cili është transportuar në spital dhe ndodhet nën kujdesin mjekësor.
Menjëherë në vendngjarje kanë shkuar shërbimet e Policisë dhe Grupi hetimor dhe vijon puna për zbardhjen e plotë të rrethanave të ngjarjes.
Shërbimet e Policisë të D.V.P. Lezhë, të Komisariatit të Policisë Kurbin dhe FNSH-së po krehin zonën si dhe janë ngritur pika kontrolli me qëllim identifikimin dhe kapjen e autorit/ëve./Bl.Ba/Fjala.al
