Kim Kardashian shfaqet seksi në çdo foto-galeri të saj, por ajo që ka tërhequr vëmendjen e ndjekësve, më shumë sesa “kthesat” që të lënë pa frymë, është mungesa e unazës së martesës në gishtin e majtë të dorës.
Një shenjë që fundi i dashurisë me Kanye West tani është zyrtar. Ai mes Kim dhe Kanye parashikohet të jetë divorci i vitit, me pasuri prej disa miliardë dollarësh, që do të ndahen, përfshirë dhe kujdestarinë e fëmijëve.
Çifti nuk komenton për momentin, duke preferuar ta mbajë private çështjen në një periudhë kaq të vështirë.
Por në rrjetet sociale, Kardashian shfaqet si zakonisht, mes fotove-seksi dhe momenteve familjare. Në foton me të brendshme, poza duket rastësore, por nuk është kështu: dora e majtë që mbështetet në mjekër, thekson mungesën e unazës së martesës.
Më 5 janar, Kim kishte shpërndarë në rrjetet sociale një foto në të cilën nuk e mban unazën e martesës në gisht.
E hequr nga Instagrami, fotoja mbeti në llogarinë e saj në Twitter. Me foton e re, ajo duket se nuk bën asnjë hap mbrapa, një shenjë që vendimi është marrë në mënyrë të pakthyeshme.
Ajo dhe Kanye u martuan në vitin 2014 në një ceremoni mes “një mijë e një netësh”. Me katër fëmijët e tyre, ata formuan një familje që dukej shumë e fortë, por vitin e fundit gjërat shpejtuan deri në epilog./Bl.Ba/Fjala.al
