Paraguai është bërë vendi i katërt i Amerikës Latine që miraton përdorimin e vaksinës kundër koronavirusit Sputnik V të zhvilluar nga Rusia, sipas fondit sovran të pasurisë ruse, RDIF.
Në një deklaratë të raportuar nga agjencia e lajmeve Reuters, RDIF tha se Paraguai do të fillojë përdorimin e vaksinës pa ndonjë provë shtesë klinike. Argjentina, Venezuela dhe Bolivia gjithashtu kanë miratuar përdorimin e vaksinës ndërsa Kili është në bisedime për ta bërë këtë.
“Ne presim që më shumë vende në rajon do ta miratojnë atë së shpejti dhe janë të gatshëm të krijojnë partneritete të reja për të bashkuar përpjekjet në luftën kundër pandemis”, tha Kirill Dmitriev, CEO i fondit.
RDIF pretendon efikasitet më të madh se 90% për Sputnik V. “Furnizimi i vaksinës do të lehtësohet nga partnerët ndërkombëtarë të RDIF në Indi, Kinë, Korenë e Jugut dhe vende të tjera,” shtoi ai.
Më shumë se 1.5 milion njerëz janë vaksinuar tashmë me Sputnik V, tha ai. Vaksina është aprovuar gjithashtu në Rusi, Bjellorusi, Serbi, Algjeri dhe Palestinë.
“Procesi për të miratuar vaksinën në Bashkimin Evropian ka filluar,” tha deklarata.
l.m/Fjala.al
