Dy vëllezër me iniciale R. T., 22 vjeç dhe K. T., 24 vjeç, banues në Dibër, janë vënë në pranga nga policia pas konfliktit për motive të dobëta me dy shtetas të tjerë.
Arrestimi i vëllezërve u bë pasi në qytetin e Peshkopisë, janë konfliktuar me dy persona (punonjës policie që ndodheshin jashtë detyrës), duke u shkaktuar dëmtime të lehta truprore.
Gjatë sherrit kanë ndërhyrë shërbimet e patrullës së policisë, por edhe efektivët në detyrë janë kundërshtuar nga të rinjtë, duke i penguar në kryerjen e detyrës. Pavarësisht rezistencës, 22 dhe 24 vjeçari janë shoqëruar në ambientet e komisariatit të Peshkopisë.
Materialet procedurale i kanë kaluar Prokurorisë së Rrethit Gjyqësor Dibër, për veprat penale “Plagosja e lehtë me dashje”, kryer në bashkëpunim dhe “Kundërshtimi i punonjësit të policisë së rendit publik”.
