Gjykata e Posaçme Kundër Korrupsionit dhe Krimit të Organizuar ka lënë në burg Indrit Taullain, ish-anëtar i bandës së Durrësit. 46-vjeçarit iu caktua masa “arrest me burg” pas ekstradimit nga Kosova, pasi akuzohet për vrasjen e Klodjan Saliut dhe si organizator për ekzekutimin e Vajdin Lamaj, ngjarje të ndodhura në 26 dhe 27 shkurt të 2005.
Më herët, Gjykata e Posaçme e Apelit ka vendosur të lerë pa lëvizur masat e sigurisë për Emiljano Shullazin, Plaurent Dervishaj, Indrit Rusin, Viktor Ymerin, që u arrestuan për dy vrasjet e realizuara. Ndërsa procesi gjyqësor për Lulzim Berishën, nuk është zhvilluar për shkak se ndodhet ende në arrati.
