Këngëtarja e njohur Genta Ismajli dhe Usta kanë qenë shpesh në vëmendje të mediave rozë që prej momentin që kanë treguar se ndodhen në një marrëdhënie dashurie. Usta e ka shprehur gjithmonë hapur dashurinë e tij për këngëtaren dhe duket se gjithashtu është i dashuruar me Shqipërinë.
Në një darkë me të afërmit e tyre në Turqi, Usta ka zbuluar se ka bërë një tatuazh në krahë të shqiponjës dykrenore.
Ka qenë Genta ajo që ka publikuar një video, në të cilën Usta zbulon krahun e tij dhe shihet se në të ka të gdhendur shqiponjën e flamurit shqiptar. Biznesmeni turk e ka treguar gjithë krenari tatuazhin e tij dhe sigurisht që pas këtij veprimi ka rrëmbyer zemrat e të gjithë shqiptarëve.
Lidhja e Ustës dhe Gentës tashmë është konsoliduar dhe këngëtarja ka shprehur hapur dëshirën që këtë vit të organizojnë një dasmë për të kurorëzuar dashurinë e tyre.
