Detaje tronditëse dalin në dritë nga vdekja e 10-vjeçares dje në Tiranë, e cila u përplas nga një makinë. Ngjarja ka ndodhur në rrugën “Njazi Meka”.
Babai i të miturës ka rrëfyer momentet e fundit kur ishte ndarë me vajzën e tij. Iliaz Petali tha se vajza ishte e shoqëruar për dore me gjyshen e saj, ndërsa një makinë kishte kaluar me shpejtësi dhe e kishte përplasur.
Babai tha se pas ngjarjes, shoferi i mjetit ishte larguar nga vendi i ngjarjes.
“Kisha 10 minuta që u ndava me vajzën. Ajo ishte me gjyshen për dore. Shoferi erdhi e përplasi. Aksidenti mund t’i ndodhë çdokujt por shoferi bëri gabim se ishte me shpejtësi në rrugë lagjeje. E përplasi fëmijen dhe iku. Mund të ketë qenë i pirë, po ia lë shtetit në dorë të bëjë drejtësi. Këtu s’ka as rrugë, as trotuar, asnjë kusht.”, tha ai.
