Marrëveshja e shtetit shqiptar me kompaninë gjermano-amerikane “Pfizer/BoNTech” për një sasi prej 500 mijë vaksinash anti-COVID do të mbetet sekret.
Kjo ka shkaktuar shumë debate në Shqipëri, por kryeministri Edi Rama i ka sfiduar të gjithë skeptikët se kontrata është sekret tregtar i çdo shteti dhe nëse një vend i BE e bën publike, Shqipëria do jetë e dyta.
“Kontrata me Pfizer nuk bëhet publike se në të gjithë botën është sekret tregtar. Pavarësisht dëshirës timë, ajo nuk bëhet dot publike. Nëse gjen një vend të BE që e ka bërë publike, ne do jemi vendi i dytë që do e bëjmë publike.Plani i vaksinimit ka 3 skenarë, më ambiciozi është vaksinimi i të gjitha kategorive në 14 muaj. Skenari i mesëm ka një axhendë 18 mujore dhe i treti 24 muaj. Ne do të bëjmë gjithçka për të shkuar sipas skenarit më ambicioz”, deklaroi Rama.
Kontrata me Pfizer u miratua dje edhe në parlament dhe do vijojë të jetë sekret.
