Miley Cyrus ka folur hapur në lidhje me seksualitetin e saj, duke shpjeguar se ka me shumë kuptim për të kur del me vajza se sa me djem. Këngëtarja 28-vjeçare, tha se e shikon trupin femëror më tërheqës sesa atë mashkullor.
“Roli që unë kam pasur në marrëdhënie me një femër kishte më shumë kuptim, sepse nuk ekzistonte kjo gjëja e çuditshme që unë paguaj për gjithçka dhe çfarëdo gjëje tjetër. Nëse unë do të jem me një vajzë, jam plotësisht gati të jem me një vajzë që është po aq e suksesshme, ose më e suksesshme se unë”, -ka thënë këngëtarja, duke shtuar se në çdo lidhje që ka pasur si me vajza dhe me djem, ajo ka qenë më dominante.
Prej kohësh Miley Cyrus ka folur hapur në lidhje me biseksualitetin e saj, por mesa kuptojmë, këngëtarja duket më e fokusuar tek gjinia femërore.
