Protagonistët e ceremonisë së inaugurimit ishin Joe Biden dhe Kamala Harris por vëmendjen e mori Bernie Sanders.
Njerëzit në rrjetet sociale u fiksuan me dorashka kafe të Sanders. Në foto duket senatori amerikan, i ulur diku, në distancë me të tjerët, i veshur me xhup, një palë dorashka të trasha dhe maskë mbrojtëse.
Megjithëse dita ishte rreth Joe Biden dhe Kamala Harris, të gjithë sytë ishin drejtuar senatorit të Vermontit pasi në foton që u bë virale, ai duket ulur me duart e kryqëzuara dhe të mbështjella mirë për të përballuar të ftohtin në Washington.
Në të gjithë botë kanë qarkulluar foto të Sanders të përshtatura në vende dhe ngjarje të ndryshme ku në disa prej ‘memeve’ më epike nuk mund të mungonin dhe ato shqiptare.
Faqe të ndryshme në rrjete sociale kanë publikuar ‘meme’ me Sanders duke treguar kreativitetin e tyre.
Ja disa prej memeve të krijuara nga shqiptarët:
Sanders, pasi ka parë disa prej meme-ve me foton e tij, shpjegoi se dorashkat e tij tani janë ikonike.
“Unë thjesht isha ulur atje duke u përpjekur të ngrohesha, duke u përpjekur t’i kushtoja vëmendje asaj që po ndodhte“, tha Sanders Meyers, duke qeshur./fjala.al/r.g
