Nëse do të dish se si është dikush, atëherë pyet lëkurën e tij/saj! Sepse nuk gënjen asnjëherë. Gazetarja e “Ëomen’s Health”, Kristina Rodulfo, tregon historinë e saj se si ndryshoi në mënyrë të pazakontë lëkurën e saj, pak para ndarjes nga një lidhje toksike.
“I thosha vetes jam mirë. Ndërsa fytyra nisi të më mbushej me akne, ndërsa po niseshim për të kaluar një fundjavë pushimi bashkë. Ku do të kalonim një tjetër zënkë. Vazhdoja të përsërisja që isha mirë, ndërsa aknet vazhdonin në rriteshin. Më pas në harkun e 48 orëve, i dhashë fund një marrëdhënieje 4-vjeçare, u largova nga banesa ku bashkëjetonim, shkova në shtëpinë e një mikeshe dhe u paraqita në punë, sikur nuk kishte ndodhur asgjë.
Ndërsa jeta ime shpërtheu, ashtu ndodhi edhe me lëkurën: Unë u zgjova një mëngjes dhe numërova 22 akne, në mjekër dhe në pjesën e nofullës. Ishte më e keqja që kisha parë në betejën time prej dekadash me aknet. U vizitova tek një dermatolog dhe nisa një regjim me ilaçe. Prisja që të largoheshin tërësisht për tre muaj, por ndodhi mrekullia: Në vetëm dy javë pasi përfundoi marrëdhënia ime toksike, fillova të pastrohem. Lëkura dukej më e butë dhe e ndritshme. Nisja të shprehja më shumë dashurinë për veten, të kaloja më shumë kohë me familjen dhe miqtë, të përqafoja gëzimin dhe mirënjohjen”.
Dhe si e shpjegojnë dermatologët këtë?
1.Për disa njerëz, aknet i bëjnë ata psikologjikisht të dëshpëruar ose të shqetësuar. Por mund të jetë edhe e kundërta. Episodet stresuese të jetës mund të fillojnë dhe përkeqësojnë një shpërthim puçrrash. Ndarja shkaktoi stres dhe stresi u përkeqësua nga humbja e gjumit, mungesa e stërvitjes, gotat e verës dhe ëmbëlsirat që konsumohen në ditët në vijim. Lëvizje e gabuar. Është thelbësore të kemi një dietë të ekuilibruar mirë pa produkte me përmbajtje të lartë glicemike, si ëmbëlsirat, ushqimet e skuqura, pijet e gazuara dhe produktet e qumështit. Dermatologët sugjerojnë se një nga mënyrat më të mira për të ulur stresin është të ushtrohen ose të bëjnë joga.
.Arsyeja e shfaqjes së akneve qëndron në reagimin e trupit ndaj stresit. Kur trupi ndjen stres nxitet prodhimi i hormoneve si kortizoli, nis një përgjigje inflamatore lokale. Kjo mund të rrisë prodhimin e vajit dhe të bllokojë poret duke çuar në shpërthime aknesh. Hormonet e stresit si kortizoli mund të shkaktojnë inflamacion të plotë sistematik në të gjithë trupin, por edhe në lëkurë.
3.Kortizoli gjithashtu zvogëlon imunitetin dhe aftësinë për të luftuar infeksionin, kështu që teorikisht, kjo mund të rrisë ngarkesën e baktereve në trup si ‘C Acnes’, që janë bakteret thelbësore për shkaktimin e puçrrave. Stresi kronik gjithashtu mund të zmadhojë gjëndrat dhjamore, duke rritur prodhimin e tepërt të vajit që bllokon gjëndrat e flokëve dhe çon në më shumë shpërthime aknesh.
Gjithashtu ka studime që kanë treguar se kur njerëzit vihen nën stres psikologjik dhe kanë plagë, plagët shërohen më ngadalë – e njëjta gjë vlen edhe për shërimin e akneve. Lëkura është një reflektim i asaj që po ndodh në gjendjen tonë themelore, qoftë mjekësore apo emocionale. Kështu duhet të mendoni për gjërat në mënyrë sinergjike dhe pjesë të së tërës.
