Moti i keq ka sjellë reshje intensive bore në juglindje të vendit dhe kryesisht në zonat malore. Dëbora ka shfaqur problematika, kryesisht në bllokimin e rrugëve nacionale.
Probleme me dëborën ka pasur edhe në juglindje të vendit. Rajoni i Korçës është përfshirë nga një i ftohtë i acartë me temperatura që shkojnë disa gradë nën zero. Prej 14 ditësh banorët e fshatit Panarit në Korçë janë bllokuar për shkak të reshjeve të dendura.
Në këtë fshat banojnë rreth 200 banorë, të cilët prej dy javësh ndodhen të izoluar nga pjesa tjetër e kësaj zone pasi rruga Shtyllë-Panarit është e bllokuar. Mësohet se reshjet e fundit kanë shtuar trashësinë e dëborës, në 1 metër, duke bërë kështu të pamundur ndërhyrjen për hapjen e rrugës.
