Shefja e Qendrës së Gruas në maternitetin “Koço Glozheni”, Anika Dokle ka marrë një letër tejet emocionuese mbrëmjen e sotme nga një paciente e saj.
Ajo ka shkruar një status të gjatë në rrjetet sociale, ku falenderon kryeinfermieren, e cila mësohet se e ka ndihmuar pacientet që të bëhet e fortë në atë situatë të keqe që ndodhej.
Pacientja admiron te Dokle forcën e karakterit dhe punën e palodhur të saj.
Statusi i plotë:
Mora shkas të shkruaj për ty sot sepse të kujtova mes mikeshave mia, të kujtova me dashuri dhe respekt për ty jo për faktin se të kam mikesh, por sepse unë të mikesh të bëra pasi të njoha si mjeke, pasi më dhe ndihmë mjekësore me aq përshkushtim dhe dashamirësi sa që më ngrite dhe anën morale në atë situatë të keqe që ndodhesha. Ti je një mjeke e sakrificës e ndershmërisë që të karakterizon me forcën e gruas dinjitoze e të devotshme në punën tëndë, me një komunikim më shumë njerezllik mes pacientëve të tu. Ti je forca për tu admiruar tek çdo grua, ti je shembulli i çdo mjeku të mirë dhe human. Unë ty të jam mirënjohëse për çdo ndihmë të dhënë dhe për gjithë pozitivitetin që tregon. Ti o mjeke, o grua e zgjuar rebelja që të vërtetën e shpreh me zë të lartë. Lum ai spital që të ka, e lum ne gratë që të kemi njohur. E lum baba e nëna për mirë-edukimin tënd. Tëpërqafoj shumë!
