Një aksident ka ndodhur në Fier ku makina tip ‘Seat’ ka përplasur çiftin e të moshuarve.
Raportohet se të aksidentuarit janë dërguar në spital.
Ndërkohë nuk dihet ende gjendja shëndetësore e tyre.
Njoftimi i policisë:
Sot rreth orës 18:15, në vendin e quajtur “Kthesa e Etc”, shtetasi L. B., 30 vjeç, duke drejtuar automjetin tip “Seat” ka aksidentuar dy këmbësorë, shtetasit I. M., dhe Gj. M., të dy 67 vjeç, banues në Fier, të cilët ndodhen në spitalin e Fierit nën kujdesin e mjekëve.
Është shoqëruar drejtuesi i mjetit, shtetasi L. B., dhe po kryhen veprimet procedurale.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
