Edi Rama është kryeministri i 33-të në historinë e shtetit shqiptar. Ai kërkon të fitojë një mandat të tretë në zgjedhjet parlamentare të 25 prillit. Ndërkohë që Lulzim Basha është kandidat për të qenë kryeministri i 34-ët në historinë e shtetit shqiptar dhe kërkon mandatin e parë. Po cili është ndryshimi mes Edi Ramës që është duke qeverisur prej 8 vjetësh dhe Lulzim Bashës që kërkon të bëhet kryministër? Përgjigjen e kësaj pyetje e jep nënkryetari i Partisë Agrare Ambientaliste dhe njëkohësisht edhe kryetar i shoqatës “Tirana”.
–A mund të bëni një krahasim të dy liderëve politikë kryeministrit aktual zotit Rama dhe kandidatit për kryeministër zotit Basha?
–Diferenca është e thellë.
-Pse?
-Zoti Rama është tashmë njeriu tipik që çdo shqiptar e njeh për arrogancën e vet. Rama e ka treguar që është njeri që rrëshqet në autoritarizëm dhe në arrogancë. Ndërsa zoti Basha është njerëzor.
-Çfarë prisni ju nga zoti Basha?
–Ne presim një mirëqeverisje, njerëzillëk në marrëdhënie me njerëzit, dhe mbi të gjitha një program të qartë të cilin ta zbatojë edhe nën monitorimin tonë.
-Zoti Basha nuk është se shkëlqeu kur ishte kryetar bashkie.
–Ka një baltosje të gjithë punës së bashkisë së Tiranës , por mos harroni, janë rikonstruktuar, janë zgjeruar dhe janë bërë rrugë të reja që unë po tua them tani, ju do më thoni “ po mirë, ne nuk i kemi dëgjuar”. Sepse propaganda qeveritare, i mbuloi të gjitha këto./Fjala.al/Ke.Ba
