Gjykata Themelore në Prizren, Departamenti i krimeve të rënda, ka marrë vendimin, që ta lërë një muaj në paraburgim N.K., i cili kishte dhunuar një vajzë nga Prizreni, e cila në ato momente ishte e vetem në shtëpi.
Gjykata me rastin e caktimit të paraburgimit ndaj të pandehurit N.K., ka vlerësuar se ekzistojnë arsyet ligjore për caktimin e masës së Paraburgimit, dhe nga provat e mbledhura deri në këtë fazë, rrjedh dyshimi i bazuar se ditën kritike i pandehuri dyshohet të ketë kryer veprën penale të dhunimit ndaj të dëmtuarës, e moshës së mitur, ashtu që:
Fillimisht në orët e pasditës dhe sërish në orët e vona të mbrëmjes, brenda të së njëjtës ditë, derisa viktima ,e mitura, gjendej e vetme në shtëpi, i pandehuri e shfrytëzon momentin e volitshëm futet në shtëpinë e saj dhe paraprakisht e grushton në fytyrë, e detyron të zhvishet dhe pa pëlqimin e saj e detyron të kryente marrëdhënie seksuale, theksohet në komunikatën e gjykatës.
Masa e paraburgimit do t’i llogaritet nga 02.02.2021 deri më 04.03.2021.
