Pamjet e shpërthimit të vullkanit Etna në Itali, po bëjnë xhiron e botës, teksa llava e kuqe ka ndezur qiellin, me vullkanin më aktiv në Evropë që është riaktivizuar në 4 kratere të tij, duke dhuruar për së largu imazhe spektakolare.
Gjithçka nisi rreth orës 9 të mbrëmjes të së mërkurës. Vullkani në lartësinë e 3330 metrave, dhuron këto pamje disa herë në vit, duke shpërndarë llavë dhe hi dhjetëra km në ajër, përgjatë të gjithë ishullit mesdhetar të Siçilisë.
Shpërthimi më i madh i vullkanit Etna është regjistruar në vitin 2002, kur llava kërcënoi seriozisht qytetin e vogël të Lingua Glossa.
