Një raport i BBC ka sjellë reagimin e qeverisë amerikane dhe asaj britanike mbi çështjen e grave ujgure që gjenden në kampet e Kinës. Sipas raportit, ku thuhej se kanë dëshmuar vetë gratë, ata përdhunoheshin në mënyrë sistematike nga policët dhe rojet e burgut.
Qeveria amerikane thotë se është ‘thellësisht e zhgënjyer’ nga raporti në fjalë, ndërsa shton se ‘këto mizori trondisin ndërgjegjen dhe duhet të ndëshkohen me pasoja të rënda’. Sakaq kjo çështje është diksutuar edhe në qeverinë britanike, që përmes ministrit Nigel Adams, tha se raporti ‘tregoi qartësisht’ se çfarë ndodh në këto kampe’.
Thuhet më shumë se 1 milionë ujgurë, por edhe pakica të tjera janë në kampet e Kinës, të ngritura për të vuajtur dënimet.
Ndërkohë Ministria e Jashtme e Kinës i ka mohuar akuzat, duke akuzuar BBC për një raport të rremë. Zëdhënësi Ëang Ëenbin tha se nuk kishte “asnjë sulm dhe abuzim sistematik seksual ndaj grave” dhe Kina vepron sipas të gjitha udhëzimeve të të drejtave të njeriut.
“Nuk ka asnjë sulm dhe abuzim sistematik seksual ndaj grave. Kina është një vend i drejtuar nga ligji, kushtetuta jonë garanton dhe mbron të drejtat e njeriut dhe është mishëruar në sistemin tonë ligjor nën të cilin punojnë qeveritë,” -tha ai.
