Shënohen shifra alarmante të rasteve të reja me koronavirus në 24 orët e fundit. Në katër persona një është i infektuar nga Covid 19. Nuk kanë mundur të mundin armikun e padukshëm 14 qytetarë
Fernada Cenko
Dje, Ministria e Shëndetësisë ka publikuar të dhënat në 24 orët e fundit. Shifrat kanë qenë alarmante. Në katër persona të testuar, një është i infektuar me koronavirus. Sipas këtyre shifrave gjendja po rëndohet më shumë në vendin tonë. Ekepertët teknikë në mbledhjen e fundit thanë, se nëse situata do të eci me këto ritme mund të ndryshojë ora policore. Dy janë mundësitë, ose Shqiëpria të mbyllet në orën 18:00 ose 20:00.
“Një rritje e tillë, të çon me patjetër drejt mbylljes, jo se them unë, por nuk mund të dalim kundër rregullave të natyrës. Lock down është dhe orë policore, ne po monitorojmë situatën me mjaft kujdes dhe orari lëvizjes mund të ulet. Mund të mbyllemi në 18:00 ose 20:00, nëse rriten rastet, prandaj duhen zbatuar masat. Këto janë zgjidhjet më të natyrshme, ulja e orarit mbyllja e aktiviteteve dhe të ngelen ato esencialet, të domosdoshme”, tha Agron Brataj në takimin e fundit me ekspertët. Dhe dje ishim përballë faktit që situata ka qenë më e agravuar dhe me shumë gjasa ka që të ndryshojë ora policore, për tu shmangur më shumë kontakti me personat. Megjithatë i mbetet grupit të ekspertëve të pandemisë të vendosin se çfarë do të ndodh nga dita e enjte.
Situata në 24 orë
Sërish dje është shënuar një numër shumë i lartë infektimesh të reja, ku 1124 persona kanë rezultuar pozitivë në testin e COVID. Fatkeqësisht 14 persona kanë humbur jetën, duke e çuar në 1460 numrin e viktimave që nga fillimi i pandemisë. Sipas të dhënave nga Ministria e Shëndetësisë janë kryer 4254 testime dhe kanë rezultuar pozitivë 1124 qytetarë Rastet pozitive të konfirmuara janë identifikuar në këto bashki: 408 raste në Tiranë, 97 në Lushnje, 79 në Kavajë, 72 në Elbasan, 32 në Shkodër, nga 31 raste në Fier, Kurbin, Mallakastër, nga 27 raste në Krujë, Tepelenë, nga 22 raste në Lezhë, Berat, 20 në Kukës, nga 17 raste në Durrës, Vlorë, 16 në Sarandë, nga 14 raste në Ura Vajgurore, Gramsh, 12 në Kuçovë, nga 11 raste në Librazhd, Malësi e Madhe, nga 9 raste në Mirditë, Mat, nga 7 raste në Korçë, Divjakë, nga 6 raste në Has, Kamëz, Gjirokastër, Peqin, Patos, nga 5 raste në Pukë, Përmet, nga 4 raste në Delvinë, Dibër, nga 3 raste në Vau i Dejës, Bulqizë, Memaliaj, nga 2 raste në Devoll, Tropojë, Pogradec, Selenicë, Himarë, Kolonjë, Shijak, Cerrik, Konispol, nga 1 rast në Belsh, Prrenjas, Roskovec, Klos, Poliçan, Libohovë. Në 24 orët e fundit janë shëruar 569 qytetarë, duke e çuar numrin e të shëruarve 51,444 që nga fillimi i epidemisë. Aktualisht në 4 spitalet COVID, po trajtohen 437 pacientë, 31 në terapi intensive nga të cilët 12 pacientë janë të intubuar.
Me gjithë përpjekjet e stafit mjekësor, 14 qytetarë e kanë humbur betejën me COVID19 në spitalet COVID. 6 qytetar nga Tirana, 2 qytetar nga Durrësi, 1 qytetar nga Berati, 1 qytetar nga Skrapari, 1 qytetar nga Kurbini, 1 qytetar nga Kukësi, 1 qytetar nga Kavaja, 1 qytetar nga Elbasani, të moshave 35 -86 vjeç.
Ministria e Shëndetësisë dhe Mbrojtjes Sociale ju bën apel qytetarëve të mos e ulin vigjilencën dhe të vijojnë të zbatojnë rregullat antiCOVID duke vendosur maskën mbrojtëse në çdo ambient jashtë shtëpisë; duke shmangur grumbullimet dhe duke ruajtur distancimin fizik; duke u kujdesur për higjenën vetjake, në mënyrë që të parandalohet përhapja e COVID-19. Institucionet kompetente i’u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë.
Telefononi në linjën e gjelbër 0800 40 40 për të mësuar mjekun tuaj të familjes dhe për të kontaktuar me të. Gjithashtu, telefononi në numri unik 127 i Urgjencës Kombëtare mund të telefononi kur dyshoni se keni shenja të sëmundjes dhe duhet të kryeni testimin për COVID19 apo nëse keni nevojë për trajtim të specializuar spitalor në spitalet COVID.
Situatën e COVID19 në 24 orët e fundit si vijon:
COVID-19 – Statistika (7 Shkurt 2021)
Raste të reja ditore 1124
Të shëruar në 24 orë 569
Të shtruar në spitale 437
Humbje jete në 24 orë 14
Testime ditore 4254
Testime totale 386,195
Raste pozitive 85,336
Raste të shëruara 51,444
Raste Aktive 32,432
Humbje jete 1460
Shpërndarja gjeografike e rasteve aktive sipas qarqeve:
Tiranë 18708
Fier 2789
Durrës 1721
Elbasan 1582
Shkodër 1544
Vlorë 1454
Lezhë 1162
Korçë 989
Berat 911
Gjirokastër 675
Kukës 484
Dibër 413
