Botërori i Klubeve, të enjten, dy duelet e fundit, spikat finalja e madhe Bajern Mynih-Tigres

113 563 lexime

124,178FansaPëlqeje

Tigres sfidon Bajernin e Mynihut, Palmerias- El Ahli, dueli për vendin e 3-të dhe të 4-t. Botërori i Klubeve në futboll është një tjetër ekskluzivitet madhor sportiv i Rrjetit të Radio-Televizionit Shqiptar dhe në finale, Bajerni i Mynihut do të sfidohet nga një ekip surprizë, meksikanët e Tigresit. RTSH Sport do të sjellë të enjten edhe duelin për vendin e 3-të dhe të 4-t, midis El-Ahlit dhe Palmeirasit, duke nisur nga ora 16:00, por edhe finalen e madhe, duke nisur nga ora 19:00. Tigresi i Meksikës befasoi të gjithë kur mposhti Palmeirasin e Brazilit për t’u bërë ekipi i parë meksikan që u kualifikua në finalen e Botërorit të klubeve.

Mirëpo, nuk është vetëm historia ajo që do ta motivojë ekipin meksikan në finalen kundër Bajernit të Mynihut, që zhvillohet të enjten, duke nisur nga ora 19:00, në kryeqytetin e Katarit, Doha, dhe do të sillet për sportdashësit drejtpërdrejt nga Rrjeti i Radio-Televizionit Shqiptar, në kanalin RTSH Sport. Tigres UANL, që vjen nga rrethina e Monterreit po synon për ta “çimentuar” veten si ekipi më i mirë e Meksikës, duke pasur parasysh edhe faktin që përkrahen nga kompania kryesore e çimentos në vend. Në fakt, shumica e tifozëve të futbollit në Meksikë nuk e kanë parë Tigresin si një klub të madh.

Skuadrat si America, Chivas, Cruz Azul e Pumas, janë tradicionalisht katërshja e madhe për shumicën në Meksikë. Mirëpo Tigresi është skuadra me e suksesshme meksikane në dhjetëvjeçarin e fundit, duke fituar 5 tituj të “kampiones” në vend. Tigresi vlerësohet gjithashtu si një prej klubeve më të mbështetura në Meksikë nga tifozë. Madje, edhe në seancat stërvitore të këtij ekipi tribunat mbushen rregullisht me adhurues. Botërori i klubeve i ka dhënë mundësinë Tigresit të shfaqë veten globalisht kur të paraqitet kundër gjermanëve Bajernit në finalen që vlerësohet si një betejë e vërtetë në Doha.

Lexo edhe :  Cristiano Ronaldo pranon të rinovojë me Al Nassr, shifrat marramendëse të kontratës

Në fakt, Tigresi është ekipi i parë nga Konfederata e Amerikës Veriore, Qendrore dhe Karaibeve (CONCACAF), që ka arritur në finalen e këtij turneu të FIFA-s. Kjo konfederatë tradicionalisht është parë si njëra prej më të dobëtave, por arritja e Tigresit në finale ka ndryshuar shumëçka. Në gjysmëfinale të Botërorit të Klubeve triumfoi kundër Palmeirasit me rezultatin 1-0, ndërsa më herë, në çerekfinale, mundi koreanojugorët e Ulsan Hjundait 2-1. Ndryshe nga Tigresi, Bajerni i Mynihut e ka luajtur vetëm një ndeshje në Botërorin e Klubeve dhe, në gjysmëfinale, bavarezët triumfuan me rezultatin 2-0 ndaj El-Ahlit.

Në finalen kundër kundër Tigresit, Bajerni do të jetë pa Leon Goretzkën, Havi Martinezin e Zherom Boatengun, kurse meksikanët nuk do të kenë mungesa. Ndërkohë, para finales do të luhet ndeshja për vendin e 3-të dhe të 4-t, në të cilën do të përballen Palmeiras me El-Ahlin, që sikundër finalja e madhe, do të sillet gjithashtu drejtpërdrejt në RTSH Sport, duke nisur nga ora 16:00. Botërori i Klubeve që po zhvillohet në Katar po përdoret si një test para Kampionatit Botëror, që do të mbahet në këtë vend në vitin tjetër. Faktikisht, ky turne ishte planifikuar të zhvillohet në muajin dhjetor të vitit të shkuar, por u zhvendos për këtë muaj për shkak të kufizimeve të Covid-19.

Të fundit

A do ta përfundojë tani Trump edhe luftën në Gaza? Zbulohet plani me 5 pika

Teksa lufta 12-ditore mes Izraelit dhe Iranit ka përfunduar, duket se SHBA dhe Izraeli janë dakordësuar për një plan...

Millosheviç dorëzohet në Hagë: Ish-presidenti i Jugosllavisë përballet me drejtësinë

28 qershor 2001 Më 28 qershor 2001, ish-presidenti i Jugosllavisë, Slobodan Millosheviq, u dorëzua zyrtarisht autoriteteve të Gjykatës Penale Ndërkombëtare për ish-Jugosllavinë (ICTY) në Hagë,...

Shqipëria nuk hesht! 6 përballje të Ramës që bënë jehonë ndërkombëtare

Nga Brukseli në Londër, nga Athina në Beograd, nga Tirana në Strasburg – Edi Rama nuk ka qenë kurrë një politikan që flet me...

A doni ta shikoni ëndrrën tuaj si një film? Inteligjenca Artificiale po e bën të mundur

Një kompani holandeze krijoi një pajisje “Do it yourself” që ilustron atë që përdoruesit panë në ëndrrat e tyre natën e kaluar. Kompania thotë se...

Grusht shteti në Honduras: Presidenti Zelaya rrëzohet nga pushteti

28 qershor 2009 Më 28 qershor 2009, presidenti i Hondurasit, Manuel Zelaya, u rrëzua nga një grusht shteti ushtarak, duke shënuar fillimin e një krize...

Lajme të tjera

Web TV