Studiuesit e qeverisë amerikane zbuluan se dy maska janë më të mira se një kundër ngadalësimit të përhapjes së koronavirusit.
Qendrat për Kontrollin dhe Parandalimin e Sëmundjeve të Mërkurën raportuan rezultatet e një eksperimenti laboratorik që vendosnin dy koka artificiale 6 metra larg njëri-tjetrit dhe kontrolluan për të parë se sa grimca me madhësinë e grimcave të koronavirusit mund të thitheshin.
Studiuesit zbuluan se veshja e një maske kirurgjikale bllokonte rreth 40% të grimcave që vinin drejt kokës që po merrte frymë, ndërkohë që një maskë pëlhuri dhe një maskë kirurgjikale bllokonin rreth 80%.
“Kur të dy kokat maskoheshin me dy maska më shumë se 95% e grimcave bllokohen”, tha Dr. John Brooks i CDC.
“Sfida e parë është që sa më shumë njerëz që të jetë e mundur të vendosin maskat në mënyrë që të marrin përfitimet më të mira nga vendosja e saj”, shtoi Brooks.
Studimi kishte shumë kufizime, studiuesit përdorën një markë maske kirurgjikale dhe një lloj maske pëlhure dhe nuk është e qartë nëse rezultatet do të ishin të njëjta me çdo produkt. Por ky zbulim i bën jehonë disa studimeve të mëparshme të cilat sugjeruan përdorimin e dy maskave në vend të një.
CDC gjithashtu po rekomandon udhëzimet e saj për të vendosur dy maska. “Nëse bëhet siç duhet, një maskë pëlhure e veshur mbi një maskë kirurgjikale mund të forcojë boshllëqet rreth skajeve të maskës që mund të lejojë grimcat e virusit”, tha CDC.
Udhëzimet e CDC-së kanë evoluar gjatë periudhës së epidemisë.
Mbajtja e maskave ka qenë prej kohësh e zakonshme në disa vende, veçanërisht në pjesë të Azisë, por jo në Shtetet e Bashkuara.
Diskutimet në lidhje me maskimin e dyfishtë dhe maskat me cilësi më të lartë janë të rëndësishme, tha Dr. Isaac Bogoch, një shkencëtar i sëmundjeve infektive në Universitetin e Torontos.
“Por nëse një pjesë e konsiderueshme e popullsisë nuk mban maskë në radhë të parë, atëherë ju po bëni një bisedë të gabuar,” shtoi ai.
