Vaksina ruse kundër Covid-19 do të përdoret edhe në vendet e Bashkimit Europian duke filluar nga sot.
Hungaria është bërë vendi i parë i BE-së që përdor vaksinën Sputnik V, kundër Covid, e cila është vënë në dispozicion në 2,800 doza fillestare.
Zyrtari kryesor mjekësor i Hungarisë tha se shpërndarja kishte filluar në stacionet të caktuara të vaksinimit të Premten.
Zyrtarët evropianë fillimisht ishin skeptikë në lidhje me efektivitetin e vaksinës së njohur si Sputnik V, por një studim i botuar në revistën mjekësore “The Lancet” javën e kaluar zbuloi se kishte 91.6% efikasitet kundër virusit.
Vaksina Sputnik V gjithashtu po përdoret edhe në disa vende jo-anëtare të BE-së, duke përfshirë Serbinë dhe Bosnjë-Hercegovinën.
Kryeministri hungarez Viktor Orban ka deklaruar se pas vendimit të tij për miratimin e vaksinës ruse qëndron mungesa e miratimit evropian të vaksinave.
“Çdo ditë që do të kalonim në pritje të Brukselit, do të humbnim njëqind jetë njerëzish” ka thënë ai për një radio locale ditën e sotme.
Autoritetet hungareze kanë dhanë një autorizim gjashtë-mujor të vaksinës Sputnik V që prej janarit dhe Sinopharm, një nga dy vaksinat e zhvilluara në Kinë, është miratuar gjithashtu në Hungari.
