Pas njoftimi të parë së një trup i pajetë është gjetur në Liqenin e Pogradecit, është konfirmuar nga Policia se bëhet fjalë për vëllain e aktores së mirënjohur Marjeta Ljarja.
Trupi i pajetë i 60 vjeçarit Sotiraq Ilo është transportuar në spitalin e Morgut. Ngjarja ka ndodhur në afërsi të vendit të quajtur “Ura e Qytetit”, buzë liqenit të Ohrit.
Policia e Pogradecit ka mbërritur menjëherë në vendin ku ka ndodhur ngjarja.
Aktorja Marjeta Ljarja pak kohë më parë humbi të shoqin, artistin e mirënjohur Rikard Ljarja. Artisti i njohur i filmit u nda nga jeta në moshën 77-vjeçare pasi prej kohësh vuante nga një sëmundje e rendë
“Më datë 14.02.2021, rreth orës 17:10, në afërsi të vendit të quajtur “Ura e Qytetit”, buzë liqenit të Ohrit, është gjetur i mbytur një shtetas rreth 60 vjeç. Nga këqyrja paraprake e trupit të tij nuk janë konstatuar shenja dhune.
Trupi i pajetë do të dërgohet në morgun e Spitalit, nga ku do të pritet ekspertiza mjeko-ligjore që do të përcaktojë shkakun e vdekjes. Grupi hetimor po punon për identifikimin e viktimës dhe zbardhjen e rrethanave të ngjarjes”, thotë policia.
