Shpërthimi i Covid ditët e fundit ka bërë që të ketë një rritje alarmante të shtrimeve në spital të pacientëve të infektuar.
Mjeku Arjan Mezini ka deklaruar se spitali Covid “Shefqet Ndroqi”, të paktën deri në mesditën e sotme ishte plot dhe nuk kishte vend për pacientë të tjerë.
“Spitali ‘Shefqet Ndroqi’ të paktën deri në mesditën e sotme, ishte ezauruar. Nuk e di nëse është liruar ndonjë, por deri në mesditë, nuk prisnim dot më pacientë. Situata është e rëndë. ata që vijnë, 90% e tyre janë në gjendje të rëndë dhe shumë të rëndë. të tjerët që janë me simptoma më të lehta, nuk vijnë në spitale. Dihet kjo gjë,”– tha Mezini.
Mjeku shtoi se edhe spitalet private janë tejmbushur.
