Pandemia Covid-19 ka mbërthyer gjithë botën duke shkaktuar miliona të infektuar e të vdekur. Kjo luftë, sipas ekpertëve nuk ka mbaruar ende. Në fakt, gjatë muajve të ardhshëm gjerat mund të shkojnë edhe më keq.
Vala tjetër e rritjes së infektimeve mund të jetë nga variantet e reja të Covid, paralajmërojnë ekpertët.
Ditën e sotme Andy Slavitt, këshilltari i vjetër i ekipit të përgjigjeve të Covid-19 në Shtëpinë e Bardhë zbuloi se varianti B.1.1.7 nga Mbretëria e Bashkuar mund të jetë përgjegjës për një rritje të madhe të rasteve me Covid edhe pse procesi i vaksinimit vazhdon .
“Vala tjetër e rritjes së rasteve do të jetë me B117 . Fatkeqësisht në nuk mund ta parashikojmë të ardhmen dhe dimë qe ky virus ka qënë plot surpriza për ne që prej ardhjes së tij dhe mendoj se do të vijnë më shumë të tilla”, tha Slavitt.
Michael Osterholm, drejtori i Qendrës për Kërkimin dhe Politikën e Sëmundjeve Infektive në Universitetin e Minesotës, parashikoi gjithashtu se muajt e ardhshëm mund të jenë një makth.
“14 javët e ardhshëm mendoj se do të jenë më të këqijat e pandemisë”, tha ai.
Ai shtoi se kjo mund të komplikojë udhëzimet e lëshuara nga Qendrat për Kontrollin dhe Parandalimin e Sëmundjeve për rihapjen e shkollave . Sipas tij, vërshimi i varianteve të reja mund të rezultojë në mbyllje më të shpejtë.
