Jeta e Selami Jenisherit nuk është vetëm aktiviteti në parlament si deputet. Ai ka lëvruar disa profesione dhe pasione gjatë jetës së tij. Jenisheri tregon në HARD TALK NGA ROLAND QAFOKU për periudhën e tij si mësues matematike, trajner futbolli si dhe për pasionin për kitarën.
-Çfarë angazhimesh të tjera keni pasur përveç se keni qenë mësues?
-Unë kam marrë të gjithë librat e trajnerit të futbollit dhe kam marrë licencën për trajnier futbolli.
-Në cilin vit kjo?
-Në vitin 1990. U bëra këshilltar i trajnerit të ekipit kombëtar të Shqipërisë. Atëherë ishte trajnier një gjerman.
-Cilët futbollista të dëgjuar keni trajnuar ju?
-Ilir Kepën, golashënuesin më të mirë të Shqipërisë, Edi Martinin, Çlirim Basha etj. Përë këtë po shkruaj dhe një libër.
-Të gjithë deputetët lëvizin me fouristrada luksoze, ju jeni i vetmi që lëvizni me biçikletë. Pse përdorini biçikletë?
-Unë e kam fouristradën gri. Duke udhëtuar me biçikletë unë jam larg trotuareve ku kalojnë njerëz dhe në këtë mënyrë nuk mund të infektohem me Covid-19. E dyta, më bën mirë të lëviz fizikisht. Ajo biçikleta që kam unë e çon shalën në funksion të dëshirës që ke, dhe e ke më të lehtë të ikësh në rast të një problemi që mund të kesh.
-Po pasione të tjera ke?
-Po, kam kitarën.
