Drejtoresha e ISHP, Albana Fico njoftoi sot se ende nuk është marrë një përgjigje nga laboratorët e huaj nëse në Shqipëri janë duke qarkulluar variante të reja të Covid-19.
“Mostrat tona janë çuar në laboratorin numër një në botë dhe po komunikojmë me ata vazhdimisht. Komunikojmë përdit, por ajo gjë që askush nuk mund ta ndryshojë është sepse duhet të presim për përgjgjet dhe nuk ka favorizime. Dua të them me mutacion apo pa mutacion duhet të kuptoni që ka dyshime. Fakti që kemi një dinamikë moshore të ndryshuar dua të them që se koronavirusi ka perfshirë Shqipërinë. Ajo që ka vlerë për të përballuar këtë situatë është se virusi është këtu dhe ekziston. Të gjithë duhet të kuptojmë që jemi në një moment për të kthyer këtë faqe të historisë ashtu si duhet. Ashtu si ju dhe ne presim të shohim për variantet e reja nëse janë apo jo.”, u shpreh Fico.
Ndërkohë kujtojmë se gjatë konferencës së sotme u vendos që në Shqipëri të qëndrojnë të njëjtat masa kufizuese që janë vendosur më 11 shkurt.
Masat që do të qëndrojnë në fuqi në Shqipëri janë:
Kufizim të lëvizjes nga ora 20:00-6:00
– Qytetarët që do u nevojitet që të dalin pas orës 20:00, do duhet të pajisjen me autorizim në e-Albania
Kufizim të bareve restoranteve fast- food nga ora 20:00-6:00 (përveç shërbimit delivery)
Administrata do të punojë online
-Përjashtim bëjnë rastet kur janë emergjenca shëndetësore apo për institucionet e shëndetësisë dhe punonjësit e shërbimeve kritike
/Fjala.al
